گەڕەکی خەبات لە سلێمانی Xabat neighborhood in Slemani حي خةبات في السليمانية

لەسەرەتای ساڵی ١٩٥٠دا كۆمەڵێك قەرەج ڕودەكەنە شاری سلێمانی ، لەدەشتاییەكی گەورەدا چەند چادرێك هەڵدەدەن و نیشتەجێ دەبن ، ئەو دەشتاییە بەشی خوارەوەی باخی شێلم و تور دەبێت و بەشی سەرەوەشی كارێزێكی لێدەبێت لەگەڵ سەوزاییەكی زۆر، ئەم قەرەجانە مەڕ و ماڵاتیان دەبێت و زۆر زیرەك دەبن (بێژنگ ، شەن ، كەو یان دروست دەكرد)، ساڵانە لە وەرزی بەهار و هاوین و نیوەی پایز لە بەشی سەرەوەی ئەم دەشتە نیشتەجێ دەبن ئیتر خەڵكی ئەوكات ئەو ناوە ی بە قەرەجاوا ناوبردووە واتا شوێنی نیشتەجێبوونی قەرەجەكان ، پاش ساڵی ١٩٥٨ كە شار فراوان دەبێت و ئەم زەویانە دەفرۆشرێن و خەڵكی گوندەكانی دەوروبەر دێنە سلێمانی خانووی تێدادەكەن ، قەرەجەكان بەیەكجاری دەڕۆن و نایەنەوە، لەساڵی ١٩٧٥ دا تەندروستی سلێمانی كارێزەكە ناهێڵێت و چونك بەوتەی ئەوان سەرچاوەی نەخۆشی كۆلێرابووە لەو سەردەمەدا، لەكاتی شۆڕشی كورد دژی حكومەتی عێراقی ئەم قەرەجاوایە شۆڕش گێڕی زۆردەبێت و دەبێتە شوێنی ڕێكخستن و كارو چالاكی پێشمەرگەكانی ناو شار بووە ، بۆیە بەبڕیاری شارەوانی لەساڵی٢٠٠٢ دا ناوەی دەگۆڕێت بۆ خەبات، لەئێستادا خەبات گەڕەكێكی گەورەی سلێمانییەو خاوەنی بنكەی تەندروستی و قوتابخانەیە.

In the early 1950s, a community of Roma settled in an open plain known for its springs and greenery, then called "Qarajawa." As Sulaymaniyah expanded after 1958, the land was developed by newcomers from surrounding villages, and the original settlement was integrated into the urban fabric. In 2002, the municipality officially renamed the neighborhood "Xabat" (Struggle) to honor the revolutionary spirit of its residents during the Kurdish liberation movement.

في أوائل الخمسينيات، استقرت مجموعة من "قەرەج" في سهل واسع عُرف بينابيعه وخضرته، وكان يسمى آنذاك "قەرەجاوا". ومع توسع السليمانية بعد عام 1958، تم تطوير الأرض من قبل وافدين جدد من القرى المجاورة، واندمجت المستوطنة الأصلية في النسيج الحضري للمدينة. في عام 2002، قامت البلدية رسمياً بتغيير اسم الحي إلى "خەبات" تقديراً للروح الثورية لسكانه خلال حركة التحرر الكردية.